Ծրագիրը միտված է հոգեբանական ծառայության բարելավմանը

Երևանի պետական բժշկական համալսարանի ռեկտորի պաշտոնակատար Սամվել Ավետիսյանը հոկտեմբերի 1-ին ընդունեց Fulbright ծրագրի կրթաթոշակառու Ջոն Սարոյանին:

Ջոն Սարոյանը մասնագիտությամբ հոգեբան Է, ունի դոկտորի գիտական կոչում: Նա ընտանիքների և պատանիների հետ աշխատելու մեծ փորձ ունի, եղել Է արտահիվանդանոցային և ներհիվանդանոցային հոգեբանական ծառայությունների գծով տնօրեն:

Հանդիպման ընթացքում Ջոն Սարոյանը նշեց, որ Fulbright ծրագիրը թույլ կտա խորությամբ ուսումնասիրել և հասկանալ հոգեբանական առողջության ծա-ռայությունների համակարգը և խնդիրները` մարդկանց այս առումով հնարավորինս օգտակար լինելու համար: Նաև տեղեկացրեց, որ Fulbright ծրագրի շրջանակներում ամենաշատ հանդիպումները կազմակերպվել են ԵՊԲՀ-ի բժշկական հոգեբանության ամբիոնում: Այս անգամ ևս Fulbright ծրագրի կրթաթոշակով Ջոն Սարոյանը ԵՊԲՀ-ի բժշկական հոգեբանության ամբիոնում Է:

Fulbright կրթական գրանտների ծրագիրը, որը հիմնադրվել Է 1946-ին ԱՄՆ սենատոր Ջեյմս Ուիլյամ Ֆուլբրայթի կողմից, ֆինանսավորվում Է ԱՄՆ Պետ- դեպարտամենտի միջոցներով`ԱՄՆ և մյուս երկրների միջև մշակութային-ակադեմիական կապերի ամրապնդման նպատակով և ապահովում Է ուսանողների, գիտնականների, դասախոսների, մասնագետների միջազգային կրթական փոխանակումները:

Սամվել Ավետիսյանը նկատեց, որ փոփոխվող հասարակության մեջ հայ ընտանիքների արժեհամակարգը նույնպես փոխվում է, կարևորեց հոգեբանության մեջ այդ ուղղությամբ հետագա ուսումնասիրությունների անցկացումը: Նա նշեց, որ համալսարանը կարևորում է ինչպես կրթական և գիտական, այնպես էլ կլինիկական ուղղվածություն ունեցող բոլոր այն ծրագրերը, որոնք նպաստում են միջազգային առաջավոր փորձի ներդրմանը:

Երկուստեք հույս հայտնեցին, որ Fulbright ծրագրի հերթական փուլը ևս արդյունավետ կլինի:

Երևանի Մ. Հերացու անվան պետական բժշկական համալսարանի ռեկտորի պաշտոնակատար, պրոֆեսոր Սամվել Ավետիսյանը Երևանի քաղաքապետին կից քաղաքաշինական խորհրդի երիտասարդական հանձնաժողովի կողմից պարգևատրվել է շնորհակալագրով`«Երևանը մեր տունն է» երիտասարդական ծրագրի իրականացմանն աջակցելու համար:

Սեպտեմբերին կազմակերպված «Երևանը մեր տունն է» խորագրով երիտասարդական ծրագրի նպատակն էր երիտասարդ երևանցիներին ակտիվորեն ներգրավել մայրաքաղաքում իրականացվող տարբեր ծրագրերին`ապահովելով նրանց մասնակցությունը մայրաքաղաքի զարգացման և բնականոն կյանքի ապահովման գործին:

«Երևանը մեր տունն Է» խորագրով 6-օրյա ծրագրին մասնակցել Է մայրաքաղաքի 12 վարչական շրջաններից մեկական թիմ:

Հարցեր, պատասխաններ, մեկնաբանություններ